Со целосната реализација на проектот за реконструкција на локалниот пат меѓу селата Корешница и Челевец во Општина Демир Капија, успешно е изградена современа, безбедна и функционална сообраќајница во должина од 1.180 метри и површина од 4.130 квадратни метри, објави премиерот Христијан Мицкоски.
Проектот е реализиран со инвестиција од 10.410.361 денари, обезбедени од Владата преку Министерството за транспорт, и претставува уште еден конкретен чекор кон унапредување на локалната инфраструктура и подобрување на условите за живот на граѓаните.
„Реконструираниот пат овозможува побезбеден сообраќај, пократко време на патување и подобрен пристап за жителите, како и услови за економски и социјален развој на регионот. Со оваа инвестиција се надминува долгогодишниот инфраструктурен проблем и се создава уреден и сигурен патен правец за сите учесници во сообраќајот“, објави Христијан Мицкоски.
Оваа инвестиција е дел од пошироките напори за создавање трајни промени и поставување темели за сигурна иднина во руралните средини.
Целата објава може да ја погледнете на следниот линк:
