Втор ден од официјалниот престој на премиерот Христијан Мицкоски во Вашингтон, каде ќе присуствува на собирот на конзервативната десница. Мицкоски уште веднаш имаше значајни средби.
Конзервативната политичка акција конференција позната како CPAC 2025 се одржува од 19-ти до 22-ти февруари во Вашингтон. Оваа година, главен говорник повторно ќе биде Американскиот претседател Доналд Трамп кој ќе ја искористи конференцијата за да ги промовира своите политички приоритети.
Меѓу многуте потврдени говорници ќе биде и претседателот на Владата, Христијан Мицкоски. Премиерот ќе има свое обраќање, а за истото има најава на официјалниот профил на CPAC кој има повеќе од 260 илјади следачи.
