Од 15% на најмногу 6,5%. Американската администрација попушти и ја вброи Македонија меѓу земјите со повластени тарифни стапки. Тоа значи дека долгите преговори вродија со плод. Намалување на царините од САД кон Македонија најави премиерот Мицкоски. Тој вели дека очекува убави вести од американската администрација за пониски тарифи за околу 64 производи кои за државата се од стратешко значење. Тарифите треба да бидат ниски иповластени и да с едвижат некад еод нула до 6 и пол отсто. Ова доаѓа по речиси целогодишни преговори и напори од страна на премиерот и повеќе министри во Владата, кои се трудеа најавените 33% минатиот април, кои подоцна станаа 15%, да ги сведат на минимум оптоварување за македонското стопанство.
„Изминативе месеци жестоко преговаравме. Се сеќавате тогаш, кога излегуваа голем дел од опозициските, условно кажано, медиуми кои ја критикуваа Македонија како добила 34 проценти тарифи од САД. Очекувам поволни вести, денеска да биде потврдено со заедничка изјава, очекувам некаде околу 63, 64 производи, кои за нас се стратешки, да бидат со повластена тарифа, која ќе биде едноцифрена и ќе се движи меѓу 0 и 6,5 проценти“ – рече премиерот Мицкоски.
Премиерот очекува годинава инфлацијата да с естабилизира под 3%. Во пресрет на утрешното објавување на податоците за трошоците з аживот за јануари, тој рече дека најверојатно ќе има негативен месечен тренд во првиот месец од годинава. Тој вели дека домаќинските политики довеле до штитење на животниот стандард на граѓаните.
Владата задоволна од растот на туристичкиот сектор. Откако државната статистика покажа зголемен број на туристи од 6% во 2025 година, премиерот вели дека е добро што имало големо зголемување кај странските туристи од повеќе од 10%. Дополнително секторот се доближува до бројката од 3 и пол милиони ноќевања во туристичките центри. Токму затоа, вели масовно се инвестира во зголемување на бројот на сместувачки капацитети и угостителски објекти за да се зголеми атрактивноста на Македонија како туристичка дестинација.
