Премиерот Христијан Мицкоски, објави завршување на новиот експресен пат Чатал – Длабочица – Крива Паланка, долг 25,5 километри. Овој проект според него претставува значаен напредок за инфраструктурата на Македонија и ќе придонесе за зајакнување на земјата како важен транспортен коридор на Балканот.
„Драги пријатели, почитувани сограѓани, патот по кој чекориме заедно со министерот за транспорт, Александар Николоски е новиот експресен пат Чатал – Длабочица – Крива Паланка во должина од 25,5 км, кој е голем чекор напред за нашата инфраструктура и економија.
Со вакви проекти Македонија ќе го зајакне своето место на Балканот како важен транспортен коридор. Нашата иднина е да изградиме модерна и безбедна инфраструктура. Ветивме и исполнуваме! Македонија со секој ден станува сѐ повеќе ваша и се враќа на народот.
Нема подобар начин да ви ги честитаме празниците освен со она што најдобро знаеме да го правиме, работа и резултати!“, пишува премиерот Мицкоски во објавата на својата Фејсбук страница.
