Без квалитетно и добро образование нема иднина. Токму затоа, Владата го поставува образованието како еден од своите клучни приоритети и столб на развојната политика, со јасна цел, подобри услови за учениците и наставниците и посилен образовен систем за идните генерации.
За само година и половина, инвестирани се повеќе од 65 милиони евра во нови и реконструирани училишни објекти, спортски сали и унапредување на образовната инфраструктура низ државата.
За премиерот Мицкоски, овие вложувања се дел од долгорочен план за модернизирање на образовниот систем и обезбедување подобри услови за учење и развој на младите.
„За година и половина повеќе од 65 милиони евра се инвестирани во образованието, а од тие некаде околу 56–57 милиони се дел од програмата АА. Така што образованието е еден од нашите главни приоритети како Влада. Продолжуваме и понатаму да инвестираме, бидејќи без квалитетно и добро образование нема иднина”, изјави премиерот на Македонија, Христијан Мицкоски.
Отворањето на спортската сала во Кратово е уште еден пример дека инвестициите не остануваат само на хартија туку се реализираат на терен.
„Па да. Впрочем, и овој објект е дел од тие инвестиции, би рекол. Инаку, повеќе од 160–170 проекти ширум државата се предвидени за инвестирање во делот на образованието, училишта, студентски домови, итн. нешто што претставува императив за оваа Влада”, изјави премиерот на Македонија, Христијан Мицкоски.
„Овој проект уште еданш покажа дека инвестирањето во спортот и создавање на услови во спортувањето е највредна инвестиција, корисна за сите генерации. Општина Кратово во изминатиот период тоа го правеше доследно и одговорно, изгради неколклу игралишта и спортски терени, со современи подлоги и стандарди“, изјави Тодорче Николовски, градоначалник на Кратово
Со ваквото инвестициско темпо, од Владата најавуваат дека вложувањата во образованието продолжуваат и во наредниот период, со фокус на подобри услови за учење и развој на идните генерации.
