Да го гледаме нашиот интерес и да не влегуваме во замката на предизборната кампања на Бугарија, порача денеска од Штип, премиерот Христијан Мицкоски. Изјавата на бугарскиот европратеник Андреј Ковачев, кој најави дека од Европската народна партија ќе побарат исклучување на ВМРО-ДПМНЕ, премиерот низ насмевка ја прокементира како првоаприлска шега. Мицкоски, потенцираше дека во минатото Македонија, за да се интегрира во рамките на Европската Унија цело време била понижувана, а македонските граѓани кои беа приморани да се откажат од идентитетските обележја направија намногу жртви.
„Тоа што го направија Македонија и македонските граѓани, не е жртва, туку понижување..тоа што ни се случуваше изминатите две и пол децении. За жал некој под жртва подразбираат ако сменат закон или два. За нас жртва преставуваше промена на национални симболи, идентитески обележја, нешто коешто за жал корумпираните политички елити во минатото не можејки да се носат со фактите и аргументите го правеа додека го ограбуваа сопствениот народ. И не им беше срам да го понижуваат . од голтари влегуваа во политиката, а милионери излегуваа.и тоа е нешто што оваа генерација во оваа македонска Влада, има за задача да го исправи„ изјави премиерот на државата Христијан Мицкоски.
Како плодна и успешна, премиерот Мицкоски, ја оцени посетата на Брисел, каде досегашната пракса на свиткана кичма, ја замениле со проекти и реформи.
„Многу од работите нашите соговорници, за прв пат слушнаа. Жалам што изминатите седум години освен свиткана кичма, коленичење, друго не биле во можност да слушнат ниту да видат од претходната влада предводена од СДСм и ДУИ. Но, ние таму отидовме подготвени со озбилни аргументи и факти. Имавме навистина добар, корисен и содржаен ручек коишто го приреди старо-новата претседателка на ЕК, Урсула Фон Дер Лајен, заедно со останатите лидери од регионот од Западен Балкан„ изјави премиерот Христијан Мицкоски
Мицкоски порача дека ако постои желба има начин Македонија, да стане дел од европското семејство. Тој е категоричен дека прифаќање на ултиматуми повеќе нема и Македонија во ЕУ, треба да влезе по основ на мерит-системот, односно по заслуги и вредности.
Александра Ристевска
