Претседателот на ВМРО-ДПМНЕ Христијан Мицкоски ја коменитраше и одлуката на ДУИ, да не го поддржат Стево Пендаровски во вториот круг од претседателските избори, иако сите овие години бил нивен, како што рече, измеќар.
„Мене не ми е јасно, не можам да разберам зошто не го поддржуваат нивниот главен измеќар, Стево Пендаровски. Човекот се утепа од измеќарење и голтање. Ајде во последните години правеа што правеа, ама во последните неколку месеци, човекот на отворена сцена што не направи – коментира Христијан Мицкоски.
ВМРО-ДПМНЕ исто така предупреди дека волјата на граѓаните на првиот круг од претседателските избори, била погазена на најмалку 50 избирачки места, бидејќи од ДУИ вршеле огромни притисоци за глас повеќе. Претседателот на партијата Христијан Мицкоски, освен за случајот во Липково, рече дека имале индиции и за избирачки места во Виница, Кочани, Делчево, Берово.
Но не само интегративците, партијата вчера објави и дека вицепремиерот Фатмир Битиќи ги условувал компаниите кои добиле државна помош, да гласаат за СДСМ. Мицкоски повика одговорност за овој скандал.
„Јас го повикувам Обвинителството да нема двојни аршини и да постапи исто и со господинот Битиќи. Ако не постапи, тогаш се потврдува нашата теза дека имаме работа со октруирано обвинителство, партизирано обвинителство, но наскоро и тоа ќе го ослободиме. Јас ви гарантирам дека истражните органи ќе отворат истрага за ова што го прави Битиќи. Тој во својство на вицепремиер испраќа писма до компании каде што наведува дека, внимавајте јас како вицепремиер ви дадов пари, а сега треба мене да ме гласате на овие избори. Тоа е кршење на членот 353 од КЗ, односно злоупотреба на службена положба и овластувања за прибавување корист, а таа корист е политичка“, рече Мицкоски.
За тоа дека ДУИ си измисли ново правило – “Без Бадентер нема формирање на влада”, Мицкоски рече дека тоа се должи на очајот бидејќи знаат дека ќе одат во опозиција и ќе одговараат за сторените криминали.
