Односите меѓу Скопје и Брисел се двонасочна улица но ЕУ треба да покаже дека е подготвена да разговара за трајно и конечно решение за македонските евроинтеграции тогаш и македонската влада ќе биде подготвена. Премиерот Мицкоски испрати порака дека додека тој е премиер и лидер на ВМРО-ДПМНЕ вака конципирани уставни измени нема да има.
Да, нема да има политичка волја додека јас ја водам Владата и додека јас сум претседател на ВМРО-ДПМНЕ, а без ВМРО-ДПМНЕ уставни измени нема да има, тоа треба на сите да им е јасно. Вака како што се конципирани – нема, и нема ни да има. Затоа што јас не сум авантуриста ни егзибициониста во мојот живот, газам на цврста штица и ако носам каква било одлука таа одлука сакам да значи крај на еден процес, а не само почеток. Кога некој во Брисел ќе биде подготвен да разговара со мене за крај на процесот, тогаш јас ќе бидам подготвен, рече Мицкоски оценувајќи ја изјвата на Гаши како интелигентна бидејќи е свесен за реалноста во земјава дека без ВМРО-ДПМНЕ нема уставни измени.
Мицкоски најави уште посилна дипломатска офанзива во 2025 година. Македонија ќе биде главен играч во процесот на изнаоѓање решение прифатливо за сите страни, без да биде жртва на билатерални прашања.
Во однос на најголемииот предизвик на Македонија битката против корупцијата и криминалот, Мицкоски вели дека извршната власт си ја завршила работата и дека сега се е во рацете на обвинителството и судството. За екс-вицепремиерот Груби и екс-директорот на ЕСМ Ковачевски, прашање на време е кога ќе одговараат.
„Затоа што знаете, да сте бегалец од правдата не е така едноставен живот, па дури и да го смените континентот. Така што мислам дека таа работа нема така да заврши. Прашање на време е кога овие бегалци од правдата ќе се соочат со истата“, изјави Мицкоски одговорајќи на новинарски прашања на денешната заедничка прес-конференција со министерката за образование Весна Јаневска.
Мицкоски е дециден дека извршната власт ќе продолжи со исто темпо и во 2025 година да се бори против корупцијата и да ги реформира институциите.
