Бензиските станици се преполни со возила. Граѓаните чекаат ред да наполнат гориво по поефтина цена. Во текот на денот на неколку бензиски станици имаше недостиг на гориво поради зголемена побарувачка на енергенси.
Од Државниот Пазарен Инспекторат истакнаа дека тие се на терен. Прават контрола на безниските станици. Во последните 4 дена имаат направено над 250 инспекциски контроли, а забележани се проблеми кај само 10% од контролираните бензиски станици. Имало застој поради недостиг на гориво. Веднаш штом се наполнат пумпите, тие продолжувале со работа. Прекинот траел помеѓу два и четири часа.
Според информациите, во текот на денот на неколку пумпи низ државата имало подолг прекин при точење на гориво, поради трошење на залихите. Но, веднаш штом се надополниле со гориво истите продолжувале со работа.
Од полноќ, очекувано бензинот и дизелот поскапуваат поради војната на Блискиот Исток.
