Секое дете заслужува љубов, внимание и топол дом. Тоа е пораката од дворот на Домот за згрижувачки семејства „11 Октомври“ во Скопје, каде се одбележа Меѓународниот ден на детето и Денот на згрижувачите. Стотици дечиња ја чувствуваат родителската љубов преку мерката на државата за згрижувачки семјства. Системот функционира, а Владата најавува дека ќе го унапредува за да биде поефикасен и да може да помогне на уште повеќе дечиња. Надлежните веќе поготвуваат серија мерки во договор со сите инволвирани и релевантни институции:
„Од следната недела ќе започнат интезивно состаноците каде што ќе дадеме заклучоци а потоа Ќе предложиме на Владата квалитетни мерки за нови законски измени и сето она што треба да биде дел од системот за згрижувачките семејства. Со сето ова што го прават за овие дечиња не го отвораат само својот дом туку и срцето“, изјави Ѓоко Велковски, заменик министер за труд и социјална политика.
Во моментов во Македонија има 380 згрижувачи кои се грижат за 620 деца. Но, потребата е сè уште голема. Затоа, освен благодарност, потребни се и реални решенија, вели директорката на „Домот за згрижувачки семејства 11 Октомври Розета Влаховиќ.
„Минатата година имавме 120 згрижувачи, а денеска сме 182 со 320 згрижени деца – број еден сме во Македонија. За згрижувачите, тие не се херои тие се исто родители и мајки како нас меѓутоа имаат огромно срце и желба дел од својата љубов и нивниот топол дом да згрижат по некое детенце“, изјави Розета Влаховиќ, директорка на Домот „11 Октомври“,.
Новина е што згрижувачките родители, добиваат можност и за дополнителен приход и преку измените во законот за вработување со кој се регулира дополнителниот работен ангажман за пензионери, студенти, социјалци и млади над 16 годишна возраст.
„Тој закон помина во собрание пред неколку дена ќе видиме како ќе помине имплементацијата. Намерата на законот вака донесен е во неколку категории каде сме дефицитарни со кадар кој треба да биде работоспособен, е делот кај што ги опфаќаме токму социјалните случаи, пензионерите и студентите како такви кои сега за жал работат во угостителство во сивата еконимија работат на црно, сакаме да го регулираме тој однос“, изјави Ѓоко Велковски – заменик министер за труд и социјална политика.
За подобрување на условите за дечињата и семејствата каде тие се згрижени, активно се вклучени и општините. Од Здружението на единиците на локална самоуправа најавуваат широка кампања за зголемување на свеста кај граѓаните да бидат хумани и активно да се вклучат во грижата за децата без родители.
