Во време на брзи општествени промени, Меѓународниот ден на семејството потсетува дека семејството останува темел на љубовта, разбирањето, воспитувањето и заедништвото –вредности кои имаат непроценливо значење за секо јчовек и за целото општество. Од Институтот за семејни студии апелираат дека во овој динамичен начин на живот најважно е да најдеме и посветиме квалитетно време на своето семејство. Со работилници за учениците и студентите денеска тие го одбележаа 15 мај меѓународниот ден на семејството. Посебен акцент беше ставен на студентите кои треба да се стекнат со вештини, како да се справат со предизвиците што ги налагаат современите трендови.
-Денот на семејството е секој ден, секој ден треба да внимаваме на нашето семејство, треба да го негуваме, да ги негуваме односите во семејството, релациите, рече Ангелка Кескинова- раководител на Институтот за семејни студии
Од институтот потенцираат дека семејството е основата за развој на секое дете. Од семејството почнува првата комуникација, во семејството се стекнува чувството на припадност и се добива основата за функционирање во општеството и светот.
-Во последните неколку години, декади би рекла семејството е динамично се променува како резултат на на промените што се јавуваат во европското семејство но и во светот. Промените донекаде може да кажеме дека се позитивни односно семејството се осовременува од традиционално постепено се променува во ново современо семејство со помал број на членови, меѓутоа имаме и негативни карактеристики, негативните карактеристики се проблемите во комуникацијата, проблемите во семејните односи зголемен врој на разводи, намален број на наталитет, додаде кексинова.
Меѓу другото овој ден претставува можности да се отвори поширока дискусија за општествените, економските и демографските процеси кои влијаат врз семејниот живот. Ако немаме здраво семејство немаме ни здраво општество е заклучокот од одбележувањето на 15 мај меѓународниот ден на семејството.
