Реклама

Собранието го донесе вториот ребаланс на буџетот за 2026 година

По цели три децении Македонија ќе добие нов Кривичен законик, текстот е веќе испратен во Брисел за нивно мислење

Министри, директори, па дури и попови – Бог простува, ама „Сејф Сити“ не: системот се шири во Битола, Струмица и Штип

Пекол на „Тракија“: 12 жртви и 48 повредени во двата масовни верижни судири во Бугарија

Економијата расте, инфлацијата се стабилизира: Стопанствениците очекуваат ваквата динамика да продлжи

Претседателот Трамп ја номинира Кристи Мекормик за нова амбасадорка на САД во Македонија

Алта банка дефинитивно ќе се продаде и спаси, дури 6 банки и финансиски институции заинтересирани да ја преземат

Кравите „господарат“ со Крива Паланка: Градоначалникот немоќен и без решение за „инвазијата“ крави по градските улици

УГД ги суспендираше двајцата вработени осомничени за манипулации со студентските досиеја

АХВ прифати дел од барањата на ветеринарите

Фабриката „АСП – ПАК“ отвори нов погон во Охрид со целосно роботизирана производна линија.

Ќе и се суди во отсуство: Кочанскиот суд одби да прави циркуз од судењето на „медиумската ѕвезда“ Ива Михаилова

Македонија

Марина Димовска во работна посета на Парламентот на Република Словенија

За време на посетата на Парламентот на Република Словенија во Љубљана, во…

Сподели:
Фото: Алфа Вести

За време на посетата на Парламентот на Република Словенија во Љубљана, во рамки на Програмата за парламентарна поддршка, генералната секретарка на Собранието, Марина Димовска и заменик-генералниот секретар, Никола Ѓошевски, остварија низа работни средби со претставници на словенечкиот парламент.

На средбата со раководителката на Секторот за законодавство, Наташа Воршич, и секретарот во Одделот за подготовка и одржување на седници, Јуре Кожух, се дискутираше за улогата и надлежностите на законодавно-правната служба, проверката на усогласеноста на нацрт-законите со Уставот, меѓународните договори и европското законодавство, како и функционирањето на календарот за пленарни седници и планирањето на работата на Собранието на годишно ниво. Беа разменети искуства и се разговараше за можностите за соработка преку студиски посети и стручни обуки.

За време на средбата со раководителот на Секторот за развој на информациски системи, Матјаж Здравец и членката во Кабинетот на генералната секретарка, Војка Вук Дирнбек, беа презентирани практики поврзани со дигиталната трансформација на парламентот, имплементацијата на системи за управување со документи, интеграцијата на вештачка интелигенција во парламентарните процеси и обезбедувањето сајбербезбедност на ИКТ инфраструктурата. Делегацијата имаше можност да види како функционираат во пракса дигиталните алатки со кои располага словенскиот Парламент.

Реклама

Со секретарот на Комисијата за европски прашања, д-р Звоне Бергант, се разговараше за прашања поврзани со улогата на комисијата во приближувањето на националното законодавство кон правото на Европската Унија, како и за механизмите за следење на усогласеноста и имплементацијата на европските стандарди. Беа споделени искуства во однос на праксата Собранието да има претставник од Службата во Европскиот парламент, преку кој може значително да се зајакне позицијата на државата со помош на парламентарната дипломатија.

Овие средби претставуваат значаен придонес за унапредување на институционалната соработка и размена на добри практики помеѓу парламентите на двете земји, особено во контекст на дигитализацијата на парламентарната работа, реформските процеси и улогата на парламентите во пристапните преговори со Европската Унија.