МАНУ е подготвена и има капацитет заедно со универзитетските професори, интелектуалците и целата научна фела да изработа заедничка стратегија која треба да го поплочи патот како да се развива Македонија до 2050 година. Највисоката научна институција во Македонија со отворени раце ја прифати и во целост ја поддржува заложбата на претседателот на Владата, Хрстијан Мицкоски да се изработи документ во кој ќе се дефинираат приоритетите за развој на државата во следните 25 година. Претседателот на МАНУ, Живко Попов за Алфа вели дека токму тоа е и основната цел на институцијата што ја води.
- „Секако, Македонската академија на науките и уметности го поздравува и поддржува предлогот на претседателот на Владата, проф.др. Христијан Мицкоски за избработка на заедничка стратегија за развој на државата до 2025 година. Впрочем, тоа е дел од нејзината основна дејност, да изработува стратегии за најважните области по кои треба да се движи државата како што се образованието, науката, економијата, владеењето на правото, здравствениот систем, земјоделието, енергетикаа, панзискиот систем и друго“ вели претседателот Живко Попов во изјава за Алфа.
Претседателот Попов, наведува дека после подолг период државата им се обраќа за помош што за нив претставува огромна чест и поддршка, како највисока научна и уметничка институција.
- „После подолг временски државата ни се обраќа за помош на ваков начин и тоа за нас претставува голема чест и поддршка, како највисока научна и уметничка институција. МАНУ со своите шест одделенија и осум научноистражувачки центри во соработка со професорите и научниците од универзитетската заедница има капацитет да изработи ваков документ. Секако во соработка со Владата со која претходно ќе бидат определени приоритетните потреби на државата“ вели претседателот Живко Попов во изјава за Алфа.
Премиерот Мицкоски предложи Академијата на науки во Македонија да изработи стратегија со долгорочни цели за развој на државата во следните 25 години, како што тоа е премиер во соседството. Документ кој треба да ги дефинира развојот, демографските предизвици, економските цели, земјоделскиот, технолошкиот, енергетскиот и транспортниот развој. За ова, претседателот на Владата, ќе бара и широк партиски консензус откако ќе бидат дефинирани контурите на проектот.
