ПР политиките на Башановиќ го допреа дното во СДСM. Филипче е политичар на кој му веруваат едвај 3,6% од граѓаните, додека СДСM како политичка партија има доверба од 4,9%, изјави на прес – конференција Валентин Манасиевски, член на ЦК на ВМРО-ДПМНЕ, стои во соопштението од партијата.
Со овие лоши политики и односот кон граѓаните и медиумите – и овој рејтинг им е добар.
Филипче и СДСM говореа дека на рејтинзите има пад во довербата на граѓаните кон ВМРО-ДПМНЕ, а кај СДСM се зголемувала таа доверба.
Но, како и секогаш, уште една лага на СДС се распрсна како меур од сапуница, па сега на Бихаќка не знаат што да прават по лошите рејтинзи на партијата и на Филипче.
Едно од решенијата е да си го сменат ПР-от или раководството. Во спротивно ги чека длабока хибернација во опозиција.
