Пионот на Радев, Венко Филипче, призна дека СДСM има исти позиции со Бугарија. Пионот на Радев, Венко Филипче, нема ништо против да бидеме нарекувани Северномакедонци. Филипче е поголем негатор на Македонија и македонскиот народ, дури и поголем од Заев и од Бугарија и тамошните власти, кои нè нарекуваат „Северномакедонци“, се вели во соопштението на ВМРО-ДПМНЕ од денешната прес-конференција на Валентин Манасиевски, член на ЦК на ВМРО-ДПМНЕ.
Филипче е главниот лобист на Бугарија во Македонија за внесување на Бугарите во Уставот, а потоа и за менување на идентитетот, јазикот, културата и историјата.
И кога мислевме дека не може подолу, Филипче повторно вели – зошто да не ги внесеме Бугарите во Уставот кога тоа не е никаков ризик ниту, пак, го загрозува нашиот идентитет. Сето ова додека бугарската министерка Петрова-Чамова вели дека сме „Северномакедонци’’.
Филипче и натаму останува единствениот политичар во Македонија кој е најгласен за уставните измени. Филипче треба да одговори, а не да молчи, со што е уценет од група бугарски политичари за да води ваква антидржавна политика?
