Никако да запре цунамито во маркетите. Цените на одредени артикли и понатаму растат. За да преживеат, граѓаните го купуваат само најосновното. Најевтиниот кашкавал чини минимум 400денари, а за килограм најевтино свежо месо граѓаните од својот семеен буџет треба да издвојат околу 350денари за килограм. Ова се должи на фактот што од земјоделска станавме, увозно зависна држава.
„Нашата држава е увозно зависна. Ние не можеме да произведуваме се она што ни е потребно за нашиот пазар и да се задоволат потребите на потрошувачите. Во делот на земјоделските производи има увоз и извоз, меѓутоа увозот е неминонев, пред се од асортиманот на производите што се потребни за населението, бидејќи не произведуваме се„ изјави економистот Глигор Ивановски.
Мерките што во минатото се преземаа за да се ублажи инфлацискиот шок, не дадоа позначаен ефект. Наместо замрзнувањето на маржите државата треба да размислува во насока за изготвување на стратегија со која ќе се зголеми понудата посебно на прехранбените производи, смета Ивановски.
„Само зголемена понуда може да ги стабилизира цените, пред се на оние производи кои се важни за населението, мислам прехранбрените и стоките за шитока потрошувачка. Инаку мерките во одреден рок дадоа резултат, но после нивното укинување дојде до зголемување на цените. Основното решение е да се зголеми понудата„ посочи Ивановски.
Неколкку години наназад граѓаните се борат со двоцифрена инфлација, која беше значително повисока од европскиот просек. Инаку последните пресметки покажуваат за едно четиричлено смејство да може скромно да го преживее месецот од „први до први„ потребни му се над 1000евра, што е како речиси три минимални плати.
Александра Ристевска
