Македонија започнува капитален проект со историско и национално значење — создавање на првиот национален систем за вештачка интелигенција. Проектот, насловен „Везилка“, претставува значаен чекор во дигиталниот развој на државата и резултат на соработка помеѓу Владата, академската заедница и индустријата.
Министерот за дигитална трансформација Стефан Андоновски истакна дека со овој проект Македонија станува активен дел од европската мрежа на центри за вештачка интелигенција, со што земјата се позиционира како сериозен играч во областа на новите технологии.
