Инклузивноста е темел на демократското општество, а напредокот не се мери само според економскиот или технолошкиот развој, туку и според неговата способност да создава простори каде што секој човек, без оглед на предизвиците, може да напредува, да придонесува и да го реализира својот потенцијал – порача претседателот на Собранието, Африм Гашипо повод Денот на лицата со попреченост.
Овие луѓе вели Гаши, не треба да се гледаат низ призмата на ограничувања, туку како извор на талент, енергија и инспирација. Собранискиот спикер побара институциите да создадат средина во која потенцијалот на лицата со попреченост ќе биде препознаен и поддржан.
Да имаме општество во кое сите ѓраѓани активно ќе учествуваат, порача претседавачот на Интерпартиската парламентарна група за правата на лицата со попреченост, Никола Мицевски.
Претставничката од Институтот за демократија, Јоана Тренеска ја истакна важноста на инклузијата во општеството на лицата со попреченост, вооедно таа ги презентираше наодите од истражувањето за маргинализираните лица.
На настанот присуствуваа пратеници, советници, невладини претставници, студенти, граѓански организации како и засегнати страна, кои ја истакнаа важноста на овие лица во едно демократско општество. Според последните податоци од пописот, во земјава живеат вкупно 94.412 лица со попреченост.
Давид Крстевски
