Лекарската Комора и обвинителството го чекаат извештајот од Комисијата кои констатирале стручни, системски и технички недостатоци за смртта на 14 месечното бебе од Гошинце. Забелешки има и за Детската клиника и за болницата Козле.
Специјалистите кои биле дежурни на Клиниката за детски болести и кои направиле превид во проценката за хоспитализација на бебето кое почина, се уште одат на работа. Менаџментот по изјаснување на Комората ќе одлучи какви мерки ќе преземат. Оттаму, пак, се уште чекаат да прочитаат што има во извештајот за да знаат како да постапат.
Трагичниот епилог за бебето од Гошинце извади на површина и други слабости во здравствениот систем кој со години наназад се таложел. Немање на протоколи за тријажа како и потреба од континуирана обука за срцево респираторна поддршка на докторите на Детска.
Бебето од Гошинце почина од опструктивна бронхопневмонија на 5-ти октомври во утринските часови на Детска каде било транспортирано од Козле во многу лоша состојба и со многу ниска сатурација.
