Лекарската комора се’ уште го чека изврштајот на стручната комисија за починатото 14-месечно бебе. Во наодот се констатирани низ пропусти на лекарите при третманот на детето и тоа во две здравствени установи – Детската клиника и болницата во Козле. Министерот тврди дека ќе има одговорност за случајот, но мерките ги остава во рацете на Лекарската комора. Од таму велат дека ќе одлучат како ќе постапат, откако ќе имаат увид во извештајот.
“Во однос на активностите што ќе ги преземеме, засега може да кажеме дека откако ќе го добиеме извештајот од Министерството за здравство, ќе биде разгледан во Комората, а што ќе се преземе понатаму, зависи од неговата содржина”, потенцираат од Лекарската комора.
Од “Козле” демантираат дека имаат вината. Велат дека докторите направиле се во нивна моќ детето да се спаси. Но и признаа дека немаат опрема за интубирање.
Инаку, вчера Таравари го презентираше извештајот на стручната комисија за смртта на 14 меечното бебе. Таму е констатирано дека лекари од Детската клиника не ја процениле тежината на состојбата за да го хоспитализираат детето од Гошинце вториот пат кога било донесено во установата на 3 октомври, а утредента во “Козле” немале респиратор за да му укажат помош на девојчето додека да биде префрлено повторно на Детска каде починало кратко по приемот пред 10 дена. Дополнително, било изгубено време и за организирање на медицинскиот транспорт од Козле на Клинички. Тие потенцираат дека за случајот освен стручни и технички постојат и системски пропусти, односно непостоење на протоколи и алгоритми за тријажа на пациенти при прием.
