По повод одбележување на Светскиот ден на дијабетесот – 14 Ноември, Баланс Мк – Асоцијација за детски дијабетес на Македонија организира „Кулинарска едукативна работилница за деца и родители“, на која децата со дијабетес сами ќе приготвуваат и дегустрираат храна (под надзор на родителите, едукатор и нуриционист) и воедно ќе учат како да бројат јаглехидрати.
Исто така, како што информираат организаторите, ќе добијат и информации за важноста од избор на здрава храна како и основи за нејзиниот нутритивен состав.
На овој настан ќе биде промовирина и првата работна тетратка за деца со дијабетес „Здраво и вкусно“ чии автори се Везире Старова – нутриционист и Наташа Д. Димитриевска – сертифициран дијабетес едукатор. Ова издание рецензентски е одобрено од стручни лица специјалисти педијатри ендокринолози. Децата на настанот ќе добијат примерок од оваа едукативна работна тетратка.
