Градоначалникот на Општина Виница, Митко Костадиновски, денеска присуствуваше на отворањето на новата фабрика за производство на вафли од брендот „Винчини”, инвестиција на компанијата „Макпрогрес” вредна 8, 5 милиони евра, реализирана во изминатите шест месеци.
-Заедно со претседателот на Владата, Христијан Мицкоски, владината делегација, претседателот на Стопанската комора и раководството на компанијата, имавме можност да се запознаеме со оваа значајна инвестиција вредна 8,5 милиони евра, која отвора нови работни места и создава услови за понатамошен економски развој на Виница и целиот регион- смета Костадиновски.
Како што информира Костадиновски, во рамки на посетата на владините претставници, одржан е работен состанок на кој биле презентирани резултатите и развојните планови на компанијата, како и актуелните предизвици и можности за понатамошен раст на извозот, инвестиците и континуираноста на македонската прехрамбена индустрија.
