Водата во струмица е безбедна за пиење. Струмичкиот градоначалник Костадин Костадинов, објави дека водата од водоводната мрежа е повторно потврдена како питка.
Во објавата на неговиот фејсбук профил, Костадинов наведува дека анализите спроведени од Агенцијата за храна и ветеринарство, три акредитирани приватни лаборатории и Центарот за јавно здравје Струмица ги побиле претходните негативни резултати од Институтот за јавно здравје. Додаде дека резултатите од АХВ и независните лаборатории понудиле нова надеж за граѓаните, кои со месеци се соочуваа со забраната за употреба на водата за пиење. Костадинов истакнува дека овие анализи го потврдуваат квалитетот на водата, што е особено важно за здравјето на жителите на струмица и околните населени места.
„Благодарам на професионалците од АХВ што се одважија и го потпишаа решението за укинување на забраната. Останува да се седне повторно со надлежните институции и да се изнајде решение за проблемот на брана Турија„, напиша Костадинов.
Инаку, Струмица го доведе во прашање своето членство во ЗЕЛС, додека Стевче Јакимовски, градоначалникот на Карпош, се премисли и останува во ЗЕЛС.
