Во Министерството за правда денеска ќе се одржи конститутивна седница на работната група за реформи на изборното законодавство. Со седницата ќе претседава министерот за правда Игор Филков, а се очекува да присуствуваат претставници на сите парламентарни партии и независни пратеници.
Од Министерството за правда информираат дека на средбата ќе се избира претседател на работната група и ќе се донесе Деловник за работа.
Според информациите објавени претходно, нов Изборниот законик ќе се носи доколку се предложат повеќе од 30 проценти измени на сегашниот.
Конститутивната седница е затворена за јавноста, а по нејзиното завршување предвидена е изјава за медиумите.
