Обичаите за Коледе-Бадник почнуваат во ноќта пред празникот, со палење големи коледарски огнови, кои горат до доцна во ноќта, со песна, оро, грееана ракија и вино, како и неизбежната погача.
Традицијата продолжува и денеска, на многу локации во Скопје, но и во внатрешноста. Оваа традиција е вековна, организирана од народот и за која постојат спротивставени ставови. Дел ја сметаат како паганска, а дел како верски обичај кој треба да продолжи да се негува.
Црквата смета дека обичајот е пагански и нема поврзаност со христијанството. Манифестацијата редовно се одржува и покрај апелите секоја година таа да биде поретка поради големото загадување кое е карактеристично за овој период.
