До крајот на годинава ќе бидат изречени првите казни за компаниите кои го прекршиле Законот за нефер трговски практики. Дополнително, од наредната година се очекува значително зголемување на казнените одредби, најави заменик-министерот за економија и труд Марјан Ристески. Кога станува збор за трговците кои самоволно ги зголемуваат цените и со тоа директно го опотваруваат семејниот буџет на граѓаните, пазарните инспектори веќе изрекле казни во висина од околу два милиони евра на државно ниво.
„ Меѓутоа да ја пофалам и пазарната инспекција, во текот на оваа година измината, направиле 18.000 вкупно контроли-надзори на трговија на мало и големо. Воочени се и голем број на неправилности. Така да од тие неправилности се изречени платни налози-казни некаде во висина од околу 120 милиони денари или вкупно два милиони евра. Ние и понатаму ќе ја следиме ситуацијата со цените во сите маркети на трговија на мало и големо „ изјави Ристески.
Ристески, најави и креирање на бесплатен софтвер кој ќе им биде достапен на трговците за трнспарентно прикажување на цените , а воедно граѓаните преку мобилна апликација ќе имат можност самостојно да креират сопствена потрошувачка кошничка. Според Ристески, целта на овие мерки е инфлацијата да се задржи на ниво од околу 3% годишно. Тој предупреди дека доколку повторно дојде до нарушуваање на животниот стандард на граѓаните , ќе следуваат нови построги мерки и санкции.
„Очекуваме во наредниот период да ја стабилизираме инфлацијата на годишно ниво да биде некаде околу 3%. Затоа ќе придонесат дел од овие мерки и контролите или пак евентуално доколку увидеме дека има некоректно и непазрно однесување кон граѓаните и подривање на животниот стандард ќе има и други мерки коишто ќе ги планира Владата„ изјави Ристески.
Ристески, се осврна и на делот на мерките предвидени за текстилните компании, сектор кој во моментот е пред колапс. Посочи дека 80 текстилни компании веќе користат владини мерки со цел да го осовременат но и подобрат својот производен процес.