Лидерот на движењето БЕСА и градоначалник на Општина Тетово, Билал Касами, убеден е дека ВМРО-ДПМНЕ ќе прифати уставни измени за внесување на Бугарите, но тогаш кога меѓународните партнери, пред се Европската Унија и САД ќе дадат јасен план за евроинтеграциите, што сега за сега тој не го гледа.
Во гостување на тв21, Касами рече дека нема јасен план од страна на Европската Унија кој се однесува на интеграцијата на земјите од регионот и Македонија. „Уставните измени се само предуслов за продолжување на евроинтеграциите, но за понатамошните интеграции потребен е партнер од страна на ЕУ со јасен план за нашиот пат кон ЕУ. Чекаме Брисел да дојде со јасен план како ќе продолжи процесот на интеграција„ рече Касами.
