Стоп за корупцијата. Царинската управа стартува кампања со која сака да ја зголеми свеста за опасностите кои ги носи корупцијата, како рак рана на македонското општество.
„Не зажмувај и ти можеш да ја спречиш корупцијата – Биди дел од прогресот на твојата држава. Корупцијата е двонасочна – и давање и примање мито е криминал“, е главната порака со која Царината сака да допре до секој граѓанин.
Во рамки на кампањата, до 25-ти април на граничните премини и царинските испостави ќе се делат брошури преку кои јавноста ќе може да се информира за начините за пријавување корупција, како и за штетните последици што ги предизвикува истата. Од Царинската управа ги повикуваат сите граѓани кои ќе бидат сведоци на корупција тоа да го пријават на отворената телефонска линија 197 на Царинската управа.
