Потпретседателката на Бугарија, Илијана Јотова, смета дека бугарските барања за Македонија се нормални, а не каприц и не било вистина дека Софија го блокира патот на официјално Скопје кон Брисел. Јотова денеска во Софија ќе се сретне со еврокомесарката за проширување, Марта Кос, и ќе разговараат за проширувањето на ЕУ со земјите од Западен Балкан.
„Сакамe да чуеме од комесарката Марта Кос каква е визијата и проектот за проширување на Европската Унија кон Западен Балкан. Во последните месеци оваа тема е напуштена“, рече таа.
Според Јотова, дебатата се искривува и во Бугарија во некои аспекти и на европски терен. Тие се обидуваат барањата да ги претстават како билатерална блокада, што не е вистина, рече Јотова.
Еврокомесарката за проширување на ЕУ, Марта Кос, на некој начин веќе ја потврди исправноста на позицијата на македонската влада, во пристапот кон решавањето на уставните измени за внесување на Бугарите во Уставот. Кос порача дека нема, какви било гаранции за Македонија, дека, евентуално спроведените измени на Уставот, ќе значат и крај на сите можни блокади и уцени.
На пораката од еврокомесарката, од владата излегле со добро познатиот став дека процесот, и во иднина, ќе се води внимателно, и секој случајно, со потребните гаранции, кои се неопходни за сигурност на заедничката иднина.
