Директорот на Бирото за јавна безбедност, Александар Јанев, изрази дека институциите прават сѐ што е во нивната моќ, знаење и капацитет за темелно да ги истражат причините за трагичниот пожар во дискотеката „Пулс“ во Кочани, во кој животот го загубија 59 лица, а одговорните ќе бидат изведени пред лицето на правдата без исклучок.
„Од првиот ден на моето назначување, со мојот тим, нашата постојана посветеност е да го уништиме системот на институционален криминал кој се развивал низ децении во Македонија. Како полицаец, и како секој чесен професионалец, немало и нема да има поколебливост во нашата решителност да ги добиеме битките за победа над овој криминал. Работиме со максимални напори за да ги подобриме безбедносните стандарди и да спречиме повторување на вакви трагедии“, изјави Јанев.
Тој исто така апелираше до јавноста и сите институции да се приклучат во напорите за борба против криминалот и да помогнат во создавање на побезбедна иднина за сите. Директорот на БЈБ на крајот изрази искрено сочувство до семејствата на загинатите и им посака брзо и успешно закрепнување на повредените.
