Директорот на Бирото за јавна безбедност, Александар Јанев денеска имаше средба со директорот на КПД „Скопје“, Оливер Станков, на која стана зборз за унапредување и продлабочување на институционалната соработка.
Како што беше речено, безбедноста на граѓаните бара системски пристап, навремена размена на информации и координирано дејствување на сите институции кои имаат улога во спречувањето и сузбивањето на криминалот.
Јанев нагласи дека фокусот ќе биде ставен на дополнително унапредување на моделот за размена на криминалистичко-разузнавачки информации, навремено препознавање на ризиците и спречување на криминалните активности да продолжуваат одвнатре кон надвор и обратно. Во таа насока, рече, заеднички ќе се работи на создавање поотпорен систем за рано предупредување и навремено реагирање, со јасна цел – поголема јавна безбедност и посигурно општество.
Јанев и Станков на средбата посебен акцент ставија на Одделот за тренинг и едукација, преку кој дополнително треба да се подигнуваат знаењата, професионалните стандарди и оперативната подготвеност на припадниците на затворската полиција.
-Продолжуваме со конкретни чекори, со поглед кон иднината и со заедничка одговорност за безбедноста, напомена директорот на Бирото за јавна безбедност, Александар Јанев.
