Израел повтори дека „продолжено хуманитарно примирје“ во Појасот Газа не е на маса додека не бидат ослободени сите заложници кои ги киднапираше Хамас во текот на терористичките напади на 7 октомври.
Израелскиот амбасадор во ОН ја отфрли резолуцијата на Советот за безбедност која повикува на хуманитарни паузи и ја нарече „исклучена од реалноста“ и „бесмислена“.
„Советот усвои резолуција која за жал е „исклучена од реалноста“ на терен. Бараме итно и безусловно ослободување на 239-те заложници. Поминаа речиси шест недели, Советот се состана десет пати и се уште не го осуди масакрот на Хамас на 7 октомври“, истакна Брет Џонатан Милер, израелскиот заменик амбасадор во ОН.
Тој, меѓудругото, истакна дека без оглед на тоа што ќе одлучи Советот, Израел ќе продолжи да дејствува според меѓународното право.
