Од хронично недоволно финансирање, до обвинувања од страна на израелските власти дека го продолжува раселувањето на Палестинците, Агенцијата на Обединетите Нации за помош на палестинските бегалци, скратено „УНРВА„ со децении се соочува со закани по нејзиното постоење.
Израелскиот парламент – Кнесетот усвои два закони за спречување на УНРВА да дејствува на израелска територија, со тврдење за вмешаност на персоналот на Агенцијата во терористичките напади на 7 октомври 2023 година. Тоа, исто така, сериозно ќе ја намали способноста на УНРВА да работи во Газа и на Западниот Брег окупиран од Израел. Изгласаните нацрт-закони, претходно одобрени од Комисијата за надворешни работи и одбрана на Кнесетот на 6 октомври, им забрануваат на државните органи да имаат каков било контакт со УНРВА и ефективно ќе забранат Агенцијата да работи на израелска територија, вклучувајќи го и анектираниот источен Ерусалим.
