Во Министерството за правда денеска се одржа шестата седница на Работната група за реформи во изборното законодавство.
Седницата, како што се наведува во соопштението од министерството, помина во позитивна атмосфера, што покажа подготвеност за изнаоѓање компромисни решенија. На седницата беше усвоен записникот од претходната седница, по што членовите на Работната група пристапија кон разгледување на доставените мислења, предлози и забелешки од политичките партии, институциите, регулаторните тела и граѓански иницијативи.
Министерството за правда нагласува дека останува целосно посветено на водење инклузивен, транспарентен и консултативен процес, чија крајна цел е донесување на современо, функционално и европски усогласено изборно законодавство кое ќе обезбеди фер, демократски и кредибилни изборни процеси.
