Изборниот процес прва задача на новиот состав на Антикорупциска комисија

Изборниот процес ќе биде под постојан надзор од будното око на анти-корупциската комисија – порача претседателката на комисијата, Татјана Димитровска. На денешната прва, конститутивна седница на новиот состав на комисијата таа ги предупреди партиите од власта дека во претстојниот период законот забранува нови вработувања, исплати, промоција на разни инфраструктурни проекти и други злоупотреби на државни средства и имот. Од антикорупциска велат и дека од минатиот состав наследиле повеќе од 400 предмети, а од почетокот на годинава, од кога и почна нивниот мандат, имаат оформено повеќе од 60 нови.