Изборен молк денеска и утре во Македонија. Брвеница го избира новиот градоначалник на предвремени локални избори, откако на 23 јуни ненадејно почина дотогашниот прв човек на општината, Јовица Илиевски.
Денеска, според податоците на Државната изборна комисија, гласаат 88 болни и изнемоштени лица. Изборниот молк трае до утре до 19 часот, кога ќе заврши гласањето. Тоа ќе се одвива на 24 гласачки места, кои ќе бидат отворени утре изутрина во седум часот.
Во избирачкиот список во десетте населени места во Брвеница се запишани 16.256 избирачи, од кои 449 се на привремена работа во странство, а девет избирачи се во затвор или во притвор. Во Брвеница се гласа за шест кандидати од четири политички блока и двајца независни кандидати.
