Истрагата која институциите ја спроведуваат по пожарот во дискотеката „Пулс“ во Кочани се проширува.
Од утрово, полициски екипи вршат претреси во друг објект кој е во сопственост на газдата на дискотеката „Пулс“.
Покрај ова, полицијата влезе и во службените простории на подрачната единица на Државниот пазарен инспекторат во Кочани.
Дејан Јованов-Деко, кој моментално е во притвор, беше закупец на дискотеката „Пулс“, во која животот го загубија 59 млади лица во пожарот. Тој го управуваше и кафулето „Класик“ во трговскиот центар во Кочани, како и подружницата на „Карго експрес“ за Кочани и Виница.
Повеќе детали од МВР и Обвинителството се очекуваат во текот на денот.
