Повисоки плати за наставниците во основно и средно образовани. СОНК и Владата се договорија за покачување од 5% веќе со октомвриската плата, но и за и за континуиран раст на платите во наредните 4 години за вкупно 46%. Првичното покачување од 5% ќе биде заклучно со февруарската плата, а потоа динамиката ќе засили. Во март наредната година ќе има зголемување од 7%. Во 2026 и 2027 година исто во март, договорот е зголемувањето да се вижи помеѓу 7,5% и 10%, за истиот период во 2028 година процентот на раст да достигне од 10 до 12,5%. Премиерот Мицкоски вели дека парите се обезбедени бладодарение на домаќинското работење на Владата:
Заклучно со септември месец значи ако ги земеме јули, август и септември месеци имаме околу 85 милијарди приходи. Претходните 6 месеци односно првата половина е некаде околу 125 милијарди приходи отприлика што значи дека многу повеќе кога се работи домаќински кога се знае како се случуваат приходите во државната каса. / “Не сме алхемичари, ниту магионичари, парите ги најдовме од зголемената наплата од страна на Царината и Управата за јавни приходи. Очекуваме и раст на економијата во следниот период“, рече Мицкоски.
Синдикатот е задоволен од постигнатото , велат ова е успех во преговорите и во социјалниот дијалог. Договорено било најдоцна до февруари да се заврши и потпише колективниот договор со што ќе се унапредат правата на образовниот кадар и ќе се одреддат коефициентите на сложеност на работните места каде што во моментов имало нејаснотии.
Од СДСМ пак велат дека зголемувањето од 5 отсто наместо планираните 12 било обид за амортизација на незадоволството и манипулација да не се случи штрајк. Претходно од МОН обелоденија дека минатата власт оставила дупка во буџетот и требало да се обезбедат пари за тековни исплати на плати кои воопшто не биле испланирани.
