Со вонреден инспекциски надзор ќе се утврдува како дел од децата кои ја посетуваат градинката „23 Август„ во Берово се заболеле од салмонела. Засега од земаните пет копрокултури, бактеријата е потврдена кај две деца. Инспектори од Државниот санитарен инспектор и Агенцијата за храна и ветеринарство, заедно со стручни лица од кочанскиот Центар за јавно здравје треба да утврдат дали децата се заболеле во градинката или бактеријата ја добиле од друго место.
„Од страна на општината е побарано детската градинка писмено да не извести конкретно во кој период е настаната ситуацијата и што е преземено од нивна страна. Во меѓувреме побаравме веднаш да се закаже седница на Управен одбор и да ја видиме целата ситуација околу појавата на салмонела„ изјави Звонко Пекевски, градоначалник на Берово.
Во меѓувреме заболените деца се во добра здравствена состојба. Земена им е копрокултура откако се пожалиле на грчеви во стомакот и дијареа.Градоначалникот Пекевски повика на смиреност и разбирање откако на социјалните мрежи родители споделуваат дека бројот на заболени деца е многу повеќе и е околу 40.
Сепак по завршување на вонредниот надзор и резултатите од него ќе се знае како и од што заболеле дечињата но и кои понатамошни чекори ќе бидат преземени.
https://www.youtube.com/watch?v=27yEAl_cAH4
Александра Ристеска
