Повеќе проекти за справувањето со отпад, помагање на лицата со попреченост, подобрување на зелените бизниси и поголема соработка со инстутуциите- се барањата од невладините организации за социјално претприемништво. Овие проекти ќе се реализираат со вклучување на младите од целата држава кои сакаат да придонесат за решавање на проблемите во општеството. За таа цел во овие проекти се вклучени 1000 млади луѓе од целата држава од осум плански региони со шест младински центри. Воедно се бара и подобра соработка со општините за поефикасна реализација на проектите.
-Работевме на градење на капацитети на локалните организации и оттука ќе се покажат сите оние предизвици и резултати на локално ниво во 8 плански региони . Она што е позитивно и она што нас не научи овие триесет месеци е дека младите луѓе имаат желба и интерес да бидат дел од овој еко систем–истакна Анелија Митова- Младински сојуз
Од невладините додаваат дека младите луѓе сакаат и ја препознаваат потребата од работа во бизнисот каде што профитот не е во прв план туку доброто за заедницата.
-Еден од клучните моменти кои што очекуваме да се роди во текот на оваа конференција епред се да им упати порака на креаторите на социјалните политика е дека социјалната економија во Македонија не е нешто ново таа е нешто што граѓанските организации и дел од инстутуциите во континуитет веќе 10 години го развиваат–истакна Александра Лопарска Иловска- Асоцијација за истражување, комуникација и развој- Паблик
Сите потреби и барања, младите луѓе ќе ги достават до надлежните интитуции за да има поголем ефект од проектите на кои работат. Исто така бараат и законска рамка за социјалното претприемништво во државава.
