Почитувани претставници на медиумите, Како директорка на училиште и како некој што работи со ученици, наставници и родители секој ден, знам дека насилството меѓу врсниците не се појавува одеднаш. Знаците се појавуваат многу порано. Наша одговорност е да ги препознаеме и да дејствуваме на време. Токму поради оваа причина, „Вреди“ ја започна иницијативата за воспоставување заеднички пристап за спречување и третман на насилството во училиштата, се вели во соопштенито на „Вреди“ од денешната прес-конференција на Теута Идризи од „Вреди“.
Општина Чаир ги презеде првите чекори за создавање платформа што ќе ги собере општината, училиштата, психолозите, наставниците и родителите.
Посветени сме на спроведување на овој пристап во општините што ги водиме, а воедно ги покануваме и другите општини да се приклучат на оваа иницијатива.
Целта е да се создаде работна група во секоја општина со претставници на општината, училиштата, стручните служби и родителите. Овие групи ќе ги координираат превентивните активности и одговорот кога ќе се случи случај на насилство.
За „Вреди“, нулта толеранција не значи само казнување по инцидентот. Тоа значи да не се замолчува насилството, да не се релативизира малтретирањето и да не се чека детето да стане жртва за да реагира.
Училиштето треба да биде место каде што децата учат, се развиваат и ја градат својата иднина, а не место каде што се чувствуваат исплашено или беспомошно.
Во Чаир го започнавме овој процес. Ќе го продолжиме во општините каде што раководиме и ќе работиме на тоа и други општини да се приклучат на оваа иницијатива.
Ви благодариме.
