Што ќе значи вториот мандат на Доналд Трамп за Македонија? Ако се суди по тоа што нашиот премиер Христијан Мицкоски е единствениот политичар од Балканот кој доби покана за инаугурацијата, промената на администрацијата во Вашингтон дефинитивно треба да резултира со продлабочување на македонско-американските односи и јакнење на нашата позиција на меѓународната сцена.
Премиерот информираше дека синоќа имал вечера и одлична средба со Девин Нунес – претседавач со советодавното тело за разузнавање на американскиот претседател Доналд Трамп и извршен директор на Трамп медиумската корпорација, со Џон Битов – американски бизнисмен со македонско потекло, сопственик на повеќе мултимилионски компани, со Марко Галина – бизнисмен и одговорен за МАГА во Португалија, како и со Крис Павловски сопственик на Рамбл групацијата.
„Разговаравме за можноста за инвестиции во Македонија, за конкретни проекти од бенефит за граѓаните. Меѓу другото ги посочив напорите кои Владата ги дава за стабилизирање на економијата, рекордот кој го остваривме во привлекување на инвестиции во државата и поволностите кои се нудат“ напиша Мицкоски на социјалните мрежи и додаде дека ја искористил можноста за лобирање за македонските интереси и позиции во однос на клучните прашања за нас. „Станува збор за високо позиционирани луѓе во американското општество со можност за влијание на прашањата важни за нас“ додава Мицкоски.
