Христијан Смоковски е најдобар студент на Факултетот за физичко образование, спорт и здравје при УКИМ за академската 2024/25 година.
Нему и на неговите колеги – најуспешни дипломирани студенти од другите факултети, им беа врачени признанија од УКИМ.
Христијан Смоковски додипломските студии ги завршил со просечен успех од 9,49 и е прогласен за првенец на генерацијата 2024/25. За време на студиите активно учествувал во работата на Факултетското студентско собрание, каде што една година ја извршувал функцијата претседател на Комисијата за наука. Во текот на студирањето учествувал во повеќе научно-истражувачки проекти финансирани од Универзитетското студентско собрание при УКИМ, при што на еден од проектите бил носител.
Образованието го продолжува на постдипломските студии по Кинезиологија на Факултетот за физичко образование, спорт и здравје при УКИМ. Неговата посветеност, дисциплина и истражувачка ангажираност се препознаени од проф. д-р Георги Георгиев од катедрата за Општествена Кинезиологија, под чие менторство ги продолжува своите академски и научно-истражувачки активности. Неговиот предмет на интерес е насочен кон научно-истражувачката работа во полето на методологијата и статистиката во Кинезиологијата.
