Републиканскиот кандидат за претседател на САД, Доналд Трамп на претседателските избори освои 295 електорски гласови и ја победи кандидатката на Демократската партија, Камала Харис, која освои 226.
Потпретседателката на САД, Камала Харис, се обрати до своите поддржувачи и им се заблагодари за поддршката, но и го призна поразот од новоизбраниот претседател Доналд Трамп. Таа во обраќање им се заблагодари на семејството заедно со претседателот Џо Бајден и првата дама Џил Бајден во нејзиниот говор на универзитетот во Вашингтон.
Реков дека ќе има мирен трансфер на власта. Ние се придржуваме до принципот на мирен трансфер на власта. Ова ја разликува демократијата од монархија и тиранија. Ние му должиме лојалност не на претседателот и партијата, туку на американскиот устав. Признавам пораз, но не се откажувам од борбата што ја водев во кампањата. Борбата за слобода… тоа е борба од која никогаш нема да се откажам. Никогаш нема да се откажам од тоа американците да можат да ги остварат своите аспирации, во Америка каде жените имаат избор, во која училиштата и улиците се заштитени од оружено насилство – порача таа.
