Во матно најдобро се лови. Дел од оние кои сега од улица бараат правда се иститите кои учествувале во создавањето на неправда изминативе години и децении. Структури поттикнати од политички моќници, поранешни функционери, партиски апартчиси, па и квази – невладини организации и медиумски инструметни сакаат да создадат нестабилниост зашто Владата се бори против тој систем.
Ова се коментарите на познавачите за неуспешниот пленум, но и собирот на кој се видоа и деца на екс – премиери, поранешни вработени во фондацијата Сорос, и ликови познати од времето на Шарената револуција кои изминтавите 7-8 години никаде ги немаше во јавноста.
Новинарот Дарко Јаневски вели дека ова е веќе видено сценарио и дека нема да помине кај народот. Тој смета дека одредени политичко – криминални групи сакаат да го искористат гневот и незадоволството кај граѓаните и да ги злоупотребат протестите за создадат подолготрајна политичка криза.
„Народот сега дува и на кисело млеко. И во овој случај како и во случајот со Шарената револуција, оваа несреќа се искористува. Очигледно е се гледа од далеку дека настанот е искористен за да се извлече некаков политички профит на препознатливите политички групации. Нивно е и понатаму да ја дестабилизираат Македонија“, вели новинарот Дарко Јаневски.
Никому освен на оние кои се огрешиле пред законот не му одговара политичка криза, смета Јаневски и вели дека обидите државата да се дефокусира од борбата со криминалот не смеат да успеат.
„Дефокусот е повеќе во пропагадна смисла, населението да се занимава со тоа дали сте за или дали сте против протестите, имајќи го искуството од Шарената револуција, а Владата и министерството си имаат доволно капацитети да продолжат со таа борба против корупцијата“, вели новинарот Дарко Јаневски.
Ваквите активности наликуваат на сценарио кое во Македонија го имаше во 2016-та година. Сега наместо тишина и достоинствено изразување на тагата, има еден вид координирана офанзива кон целиот државен систем. Според познавачите, протестите и јавните настапи се злоупотребуваат за лична промоција, медиумска хистерија и поттикнување гнев во функција на политички калкулации што се потврди и во видеото кое исплива на социјалните мрежи а во кое таканаречените активисти на моменти и низ смеа договаат следни активности и добиваат совети од српска инструкторка.
