Грчките земјоделци од 12 часот по локално време го блокирале граничниот премин Евзони кон нашата земја, како за влез, така и за излез од Грција, а не се знае до кога ќе трае блокадата.
Според грчката новинска агенција АНА-МПА, во конкретниот дел собрани се над 150 трактори и земјоделски возила, а блокадата на земјоделците од областа Пеонија постојано се зајакнува.
Граничниот премин беше затворен и вчера во 18 часот, првично беше блокиран влезот во Грција само за камиони, а потоа земјоделците продолжија со општа блокада, се до полноќ.
Блокади има и во други делови на Грција, кај патарината на излез од Солун на автопатот за Атина, како и во близинс на градовите Лариса и Кардица на истиот автопат.
