Паркови, подобрување на инфаструктурата, асфалтирање на улици и атмосферска канализација се дел од барањата на граѓаните до градоначалниците. Велат дека досега се задоволни од работата на првите луѓе на општините, проектите што биле ветени полека се исполнуваат, но со финансиската помош што ќе ја добијат од извршната власт, сите проекти ќе бидат реализирани.
Граѓаните сакаат да имаат квалитетни патишта, повеќе зеленило, игралишта и болници.
Општините во првата фаза ќе добијат близу 100 милиони евра од Владата со цел подобрување на животот на граѓаните на нивните општини. Министерот за локална самоуправа, Златко Перински, предходно изјави дека 80 општини поднеле 357 апликации за реализација на различни проекти за кои сметаат дека се потребни на граѓаните. Од следната година општините ќе добијат нови 250 милиони евра, за кој ќе биде распишан нов повик за реализација на проекти.
Давид Крстевски
