Градскиот парк во Виница доби ново сензорно осветлување, односно „паметни“ светилки со лед осветлувачки тела чија моќност се намалува доколку нема движење. Исто вакво осветлување е инсталирано и на паркинг просторот пред Градскиот стадион.
-Финансиските средства за овој проект во висина од 2,8 милиони денари се обезбедени од Министерство за животна средина и просторно планирање, преку Владиниот повик за инфраструктурни проекти, информира градоначалникот Митко Костадиновски.
Во Општина Виница сметаат дека со новото модерно и сензорно осветлување се зголемува енергетска ефикасност, загубите на енергија се помали и дека безбеденоста на граѓаниете во вечерните часови е поголема.
