Некогаш најголемиот трговски центар во Охрид, градскиот Амам пропаѓа.Сместен во срцето на градот во самата чаршија објектот, кој доби бројни признанија за специфичниот архитектонски изглед, повеќе од деценија е во катастрофална состојба.Тоа го воочиле испекторите за заштита и спасување кога отишле да ја испитаатисправноста на хидрантската мрежа,излезите за евакуација и слободните пристапни патишта.
” Во амамот имаме случај, хидрантската мрежа била неисправна и од страна на Водвод е запрена затоа што поплавувала објекти и правела штета.Во меѓувреме кој стигнал таму украл нешто,кој заграбил,кој узурпирал па сега во прво време со градежниот инспектор вложуваме напори излезите пристапните патишта и ходниците да бидат слободни како што било” – вели Сашо Тодороски-инспектор за заштита и спасување
На трите ката во Амамот има стотина дуќани,но повеќето не се користат.Трговскиот,иако е во центарот на градот не заживеа како што беше замислено.Повеќе нема нити чуварска служба како што тоа било на почетокот, па сопствениците за да ги заштитат дуќаните од кражби и наркозависници кои се собирале таму, од безбедносни причини самите поставиле решетки и ги затвориле сите влезови и излези во амамот,заборајќи колку е тоа опасно,бидејќи таму има и угостителски објекти.До крајот на месецов испекторите за заштита и спасување ќе ги ослободат сите пристапи во амамот.Полицијата и градежниот испекторат пак превземаат активности за да утврдат кој незаконски узурпирал дел од амамот.
“За жал таму има објекти што си имаат легализирано дел од амамот, тоа е сега во надлежност на друга институција.Пред мене тие настапува со имотен лист,сите завршени работи одобренија добиени со постапката за легализација.Тоа не е во моја надлжнос,т не знам како се добие тие легализации” –вели Сашо Тодороски-инспектор за заштита и спасување
Во амамот во моментов се затворени и два угостителските објекти бидејќи не ги исполнувале условите за работа.Во меѓувреме за да можат да се одржуваат сите трговски центри во Македонија, ЗЕЛС ќе расправа околу донесување на одлука за формирање на заедница на сопственици или управители.