🎥 Ѓорчев: Во Неготино разговаравме за сите теми од лозарство до животниот стандард, Македонија оди напред

Добар ден на сите, поздрав од Неготино каде што навистина имавме добра средба со граѓаните, одиме од населба во населба, од село во село, ја посетуваме цела Македонија.

ВМРО-ДПМНЕ е на терен, ги објаснуваме владините политики, даваме поддршка на предлозите на премиерот Христијан Мицкоски, и ги слушаме проблемите на граѓаните.

Ја подготвуваме нашата програма за локалните избори, затоа што имаме сериозна, сериозна намера да победиме и во Неготино, и во целата Тиквешија, но и во цела Македонија.

Разговараме за темите поврзани со земјоделието, од тутунот преку лозарството и грозјето, до сите оние други теми поврзани со живеачката, со платите, со животниот стандард, инфраструктурата, растот на пензиите којшто се случува.

Македонија е повторно земја во којашто имаме најголем раст на економијата на Балканот во првиот квартал, така што Македонија има еден позитивен моментум, државата оди напред, ние имаме уште многу многу повеќе да направиме.

Заедно ќе го направиме тоа, заедно во тимови, заедно со луѓето, заедно со народот.

Се најубаво, одиме понатаму, поздрав Македонијо од Неготино, секое добро!, вели во обраќањето Ѓорчев.